Alessandro Matri ka njoftuar tërheqjen nga futbolli. Ish-futbollisti i Juventusit, Milanit dhe kombëtares italiane i jep fund karrierës së tij futbollistike në moshën 35-vjeçare.
Matri, në pjesën e parë të sezonit aktual luajti për Brescian në serie A, ndërsa në janar iu bashkua skuadrës së Sassuolos me parametra zero. Gjithsesi duket se italiani ka ndryshuar mendje dhe ka vendosur “të varë këpucët në gozhdë.”
“Mund të them se ia kam plotësuar vetes ëndrrat. Kur e nisa karrierën, nuk mendoja se do të kisha një karrierë të tillë dhe se do t’i fitoja tre tituj në Serie A”, tha Matri.
“Nuk mund të ankohem se si ka shkuar e gjitha, por tani jam në fund të rrugës. E kam marrë këtë vendim pas gjashtë muajve të parë me Brescia. Më kam humbur stimulin paksa dhe nuk ndihesha më mirë në fushë. Nuk ndiej më dëshirë për të luajtur dhe nuk e kam në karakterin tim të qëndroj në një klub për të cilin nuk mund të jap atë që nevojitet”, shtoi ai.
Matri në karrierën e tij ka fituar 3 tituj Serie A (2011-12, 2012-13, 2014-15), 2 Superkupa të Italisë (2012, 2013) si dhe një Kupë Italie në sezonin 2014-15. Të gjithë këto trofe kanë ardhur me skuadrën e Juventusit.
