Ish-futbollisti i PSG-së, Martin Cardetti, deklaron nëse do t’i jepej mundësia do të zgjidhte mes Ronaldinhos dhe Messit ai do të preferonte brazilianin.
Tashmë në rolin e trajnerit ai preferon brazilianin për të cilin nuk i kursen elozhet duke thënë se është krijuar nga Zoti.
“Si trajner, për ekipin tim do të zgjidhja Ronaldinhon, është më i mirë se Messi”, tha fillimisht Cardetti.
“Kam ndarë një vit me Ronaldinho dhe ai është një lojtar i veçantë, është krijuar nga Zoti. Ai argëtohej me top. Ronaldinho gjithmonë bënte gjëra të veçanta dhe i praktikonte në çdo ndeshje. Jam krenar që kam qenë shok skuadre me të”, tha Cardetti.
Kujtojmë që Cardetti në vitin 2002/03 ishte pjesë e PSG-së duke luajtur përkrah “yllit” brazilian.
