Një 39-vjeçar është arrestuar nga polici, pasi dhunonte dhe kërcënonte për vrasje bashkëshorten e tij.
Në pranga është vënë shtetasi L. D., 39 vjeç, banues në Dibër.
“Arrestimi i tij u bë pasi në banesë ka ushtruar dhunë fizike ndaj bashkëshortes, duke i shkaktuar dëmtime në trup dhe e ka kërcënuar se do ta vriste.” thuhet në njoftimin e policisë.
Materialet iu referuan Prokurorisë pranë Gjykatës së Shkallës së Parë Dibër, për veprat penale “Dhunë në familje”, “Kanosja” dhe “Dëmtime të tjera me dashje”.
