Prokuroria e Posacme Antikorrupsion mësohet se ka marrë sot në pyetje tre zyrtarë të tjerë që kanë lidhje me tenderin e ushqimit, të organizuar nga Ministria e Mbrojtjes, pas nisjes së krizës së koronavirusit.
Mësohet se sot janë marrë në pyetje Gëzim Jace, Ajet Maksuti dhe Ervis Feta, anëtare te komisionit të tenderimit.
Ndërkohë një ditë më parë u morën në pyetje Ylli Ymeri, Dafina Meçani dhe Adriatik Dapaj, që janë anëtarët e komisionit të vlerësimit të ofertave.
Nuk përjashtohet që në këtë vazhdë, të vijë për të dëshmuar edhe Ministrja e Mbrojtjes, Olta Xhaçka
Kallëzimin për këtë tender dhe parregullsitë aty, e ka bërë Partia Demokratike.
Boldnews.al dhe më pas PD kanë denoncuar se tenderi ishte me fitues të paracaktuar, ku është favorizuar një kompani me seli në Tetovë, që merrej me kompjutera, por që 6 ditë para se ti jepeshin 1.5 milionë euro, shtoi në objektin e saj, edhe ushqimin.
Ndërkohë, mbi 35 mijë operatorë vendas, operojnë në këtë fushë, por atyre nuk u është mundësia të konkurojnë.
