Trajneri i Kombëtares së Shqipërisë, Edi Reja, është shprehur i habitur pse futbolli nuk po nis në vendin tonë. Sipas tij tashmë në Shqipëri duhej të ishin bërë hapa konkretë për rifillimin e aktivitetit futbollistik, ashtu si pothuajse në të gjitha kampionatet evropiane.
Reja duke folur për Top Channel, gjithashtu ka rrëfyer si po i kalon këto ditë izolimi, planet me Kombëtaren, si dhe lojtarët e rinj që kishte ndërmend të grumbullonte në miqësoret që nuk u zhvilluan në mars.
Për çfarë të vjen më tepër keq në këtë periudhë izolimi?
Më vjen keq që humbëm dy ndeshjet miqësore me Slloveninë dhe San Marinon. Kisha marrë 5-6 lojtarë të rinj, si Laci, Mersinaj, Çekiçi, Kamberi dhe Broja që i kisha marrë për t’i parë, për këtë gjë më vjen keq që nuk munda. Nga ana tjetër më mungon Shqipëria dhe doja të vija në Tiranë në këtë periudhë aq më tepër që do të ndryshojmë edhe zyra dhe do të më duhej të sistemoja zyrën e re.
Ndërkohë që në Itali po jepen sinjalet e para për rikthimin e futbollit në vendin tonë ende nuk ka asnjë dritë jeshile as për stërvitje.
Mua më duket e çuditshme se si në Shqipëri nuk ka ende një sinjal se kur mund të rifillojnë stërvitjet dhe ndeshjet. Mund të gjendet një zgjidhje s në disa shtete të tjera, unë kam folur me disa nga lojtarët tanë dhe ata kanë filluar stërvitjen në grupe. Sigurisht duke marrë masat e nevojshme sepse shëndeti është mbi të gjitha. Në Itali ndoshta mund të rifillojë futbolli në Qershor por të paktën kanë filluar që tani të provojnë.
Çfarë synon në këtë për të dy të Edi Rejas në krye të pankinës kuqezi?
Objektivi ynë është që të fitojmë grupin në eliminatoret e ardhshme, me Bjellorusinë me Lituaninë apo Azerbajxhanin. Sigurisht edhe ato janë skuadra kompetitive por ne nuk jemi më pak. Për atë pjesë të ndeshjeve që unë drejtova kam parë një rritje të dukshme. Një gjë të tillë e treguam në Islandë apo në Turqi. E vetmja që na prishi disi ecurinë në eliminatoret e shkuar ishte Andorra se sa i përket Francës të gjithë e dimë diferencën.
