Bayern Munich dhe Leroy Sane kanë rënë dakord midis tyre për një kontratë pesë-vjeçare.
Lajmin e bën të ditur Sport Bild, që më tej raporton se tashmë klubi bavarez është në bisedime me Manchester City-n për të vendosur dhe çmimin e 24-vjeçarit.
Kampionët e Bundesligës besojnë se angazhimi personal i Sané për transferimin do të bindë Man.City-n për ta shitur atë me një çmim të ulët. Sport Bild pretendon se Bayern do ta konsiderojë çdo marrëveshje nën 60 milion euro një sukses të madh.
Kontrata e Sane-s me klubin anglez skadon në verën e vitit 2021, ndërsa është bërë e ditur se mes palëve nuk do të ketë një rinovim, duke e detyruar City-n ta shesë përpara se ta humbasë me parametra zero.
