Bing Liu, një studiues i Covid-19, u gjet i pajetë në banesën e tij në Ross Towship, në Pennsylvania.
Nuk dihet nëse Liu është vrarë apo vetë-vrarë, dhe sipas dyshimeve ai ishte në prag të një zbulimi madhor shkencor.
Nga banesa e Liu, sipas policisë, ka dalë një person, i cili ka kryer vetëvrasje.
Viktima e dytë nuk është identifikuar dhe policia nuk ka as motivin e vrasjes së Liu. Ai ishte asistent profesor në sisteme biologie në Universitetin e Pittsburgh.
Para se të vritej, Liu raportonte se ishte në faza të avancuara të kuptimit të thellur të Covid-19, tha universiteti.
“Bing ishte në prag të zbulimeve serioze mbi mekanizmat e SARS -CoV-2 dhe komplikacioneve të tij. Ne do të përpiqemi të kompletojmë punën e nisur prej tij, në formë homazhi ndaj punës së tij të shkëlqyer shkencore”, tha në një deklaratë departamenti i tij.
Universiteti i Pittsburgh e përshkruante Liu si studiues dhe kujdestar të shkëlqyer, dhe ekspert në modelet kompjuterike të dinamikës së sistemeve biologjike.
“Humbja e tij do të ndjehet në të gjithë komunitetin shkencor”. Hetuesit thanë se Liu dhe njeriu që e vrau, e njihnin njëri-tjetrin por policia nuk ka përmendur motive të mundshme për vrasjet. Autoritetet thanë se janë ende duke hetuar.
