Të paktën 25 persona u arrestuan mëngjesin e sotëm pas një operacioni të Guardia Di Finanza në Catania. Në ndihmë të karabinierëve të Catanias ishin edhe kolegët e tzre nga Roma, Napoli, Palermo, si dhe grupi ajror-naval i Messina.
Të arrestuarit akuzohen si anëtarë të një bande kriminale, e afërt me Cosa Nostra, e cila trafikonte kokainë, marijuanë dhe hashash.
Raportohet se sasia e lëndës narkotike sigurohej nga Shqipëria dhe më pas shpërndahej në gjithë Italinë.
Mediat italiane rapotojnë se grupi kriminal vepronte në të gjithë Italinë e Jugut me kontakte të shumta edhe jashtë vendit, ndërsa ishte në gjendje të përdorte edhe forcën për të mbrojtur trafikun e tyre.
Gjykata ka caktuar masën e arrestit me burg për 21 prej tyre, ndërsa katër të tjerët janë lënë në arrest shtëpie.
Gjatë operacionit, policie gjeti një arsenal armësh, por edhe sasi të konsiderueshme droge.
Nga hetimet është zbuluar se grupi kriminal kishte aktivitete të ligjshme, që mund t’i përdorte si mbulesë për aktivitetet e jashtëligjshme dhe kriminale.
