Juventusi së fundmi e ka kthyer vëmendjen te zbulimi i talenteve të reja dhe pasi kanë siguruar shërbimet e Soule e Barrenechea, tashmë bardhezinjtë janë vënë pas sulmuesit të Santos, Kaio Jorge.
Madje siç raporton dhe gazetari i “Goal Italia”, Romeo Agresti, kampionët e Serie A kanë ofruar 18 milionë euro për futbollistin i cili konsiderohet si Cristiano Ronaldo i ri.
Siç vijon më tej raportimi, besohet se klubi brazilian e ka refuzuar menjëherë këtë ofertë, pasi kërkesa e tyre për 18 vjeçarin është 30 milionë euro. Gjithsesi “Zonja e Vjetër”, vazhdon ta monitorojë me kujdes të gjithë situatën pasi e konsideron Kaio Jorgen si një futbollist me perspektivë.
Kaio është nën kontratë me Santosin deri në verën e vitit 2021 por e ardhmja e tij pritet të jetë në kontinentin e vjetër.
Il #Santos ha rifiutato un’offerta da €18M della #Juventus per #KaioJorge. I brasiliani ne vogliono almeno 30 per cedere l’attaccante classe 2002. #calciomercato
— Nicolò Schira (@NicoSchira) May 1, 2020
