Një 39-vjeçar ka përfunduar në pranga të policisë së Krujës pasi ka qëlluar me thikë fqinjin e tij duke e lënë të plagosur.
Ngjarja e rëndë ka ndodhur mbrëmjen e djeshme, rreth orës 22:30, në fshatin Gramëz ku Gazmend Prapaniku ka tentuar të vrasë me thikë komshiun e tij 49-vjeçarin, N.S. Pas disa orës, autori është vënë në pranga nga policia e Krujës.
Sipas bluve, pas një konflikti te çastit, Prapaniku ka qëlluar një herë në ajër me armë gjahu në oborrin e banesës së tij dhe më pas ka ofenduar dhe plagosur me thikë komshiun, i cili ndodhet në Spitalin e Traumës, në Tiranë, në gjende të rëndë shëndetësore.
Edhe ky i fundit kishte në dorë një mjet prerës. Ndërkohë në cilësinë e provës materiale, 39-vjeçarit Gazmend Prapaniku i janë sekuestruar: një armë gjahu, 9 fishekë arme gjahu, një thikë dhe mjet prerës.
