Disa ditë më parë Ministri italian i Sportit, Vincezo Spadafora, deklaroi se shanset për rinisjen e Serie A ishin “gjithnjë e më të vogla”.
Në përgjigje të kësaj deklarate , ditën e djeshme, Seria A mbajti një takim emergjent ku 20 klubet e kampionatit më elitar në Itali, përsëritën dëshirën e tyre unanime për të përfunduar sezonin.
Presidenti i Serie A, Paolo Dal Pino, deklaroi pas takimit “gatishmërinë e tij për një dialog me qeverinë për një perspektivë konstruktive dhe bashkëpunuese, duke marrë në konsideratë marrëveshjen e plotë me të gjithë klubet.”
Ndërkohë, rajoni Emilia-Romagna të premten u dha leje klubeve vendase, si Bologna, Parma, SPAL dhe Sassuolo, të rifillojnë stërvitjen në qendrat sportive nga 4 maj, duke dhënë shenja e futbolli mund të rinisë.
