Shala vendos për Liberec, gol për në Europë

Mesfushori i Përfaqësueses së Shqipërisë, që aktivizohet në kampionatin çek me skuadrën e Slovan Liberec, ka qenë sot protagonist kryesor në ndeshjen e luajtur në tranfertë ndaj Pribram. Futbollisti shqiptar ka vendosur fatin e takimit teksa në minutën e 40’ ka realizuar golin e vetëm të ndeshjes në fitoren e Slovan Liberec, me rezultatin 1-0.
Në 17 ndeshje të luajtura këtë sezon, 15 prej të cilave si titullar, mesfushori 23-vjeçar ka realizuar 4 gola. Ndërkohë, ekipi i tij, Slovan Liberec, falë fitores së sotme të vendosur nga Shala, ka arritur në kuotën e 39 pikëve në 21 ndeshje, për të hyrë tashmë në zonën europiane. Shala, me skuadrën e Slovan Liberec ishte pjesë e kompeticioneve europiane edhe këtë sezon, duke u skualifikuar vetëm në përfundim të fazës së grupeve të UEFA Europa League.