Ditën e sotme, qeveria franceze deklaroi se bilanci i viktimave nëpër spitale dhe shtëpitë e pensionit u rrit me 218 për ta çuar totalin e humbjeve të jetës në 24,594.
Edhe pse ky numër tregon një rritje të lehtë krahasuar me një ditë më parë, numri i vdekjeve ditore është ulur gradualisht në këto dy javë.
Franca mban vendin e katërt me bilancin më të lartë të të vdekurve në Europë pas Italisë, Mbretërisë së Bashkuar dhe Spanjës.
Duke nisur nga data 11 Maj, Franca do të nisë lehtësimin e kufizimeve, por maskat e fytyrës do të jenë të detyrueshme gjatë përdorimit të transportit publik dhe në shkolla.
