Një operacioni i policisë së Tiranës ka shkaktuar jo pak panik në zonën e ish-Bllokut në kryeqytet. Mësohet se policia ishte në ndjekje të një automjeti ku ndodheshin dy të rinj. Ndërsa automjeti është ndalur efektivët e policisë kanë drejtuar armët duke kërkuar që personat që ndodheshin në të, të dilnin jashtë.
Në vendngjarje kanë qenë edhe dhjetëra forca të tjera policie që kanë rrethuar automjetin ku ndodheshin 2 të dyshuarit. Dy të rinjtë, ende të paidentifikuar janë dorëzuar menjëherë dhe janë shoqëruar nga policia në Komisariat. Nuk ka ende një informacion zyrtar për detaje të këtij operacioni, që ka shkaktuar jo pak panik në zonën e ish-Bllokut, e cila edhe për shkak të fundjavës ka qenë më e populluar.
(Boldnews)
