Tashmë për të futur drogë brenda burgut tentohen të gjitha mënyrat. Kështu një grua 43-vjeçare që ka tentuar të fusë drogë në ambientet e burgut të Durrësit ka rënë në pranga.
“Me datë 16.09.2016 Albana Caraj 43 vjeçe, banuese në Durrës. kishte shkuar në I.E.V.P. Durrës për të takuar një të afërmin e saj dhe gjatë kontrollit fizik i është gjetur një sasi lënde narkotike e dyshuar e llojit Cannabis Sativa.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Prodhimi dhe shitja e narkotikëve” dhe ”Futja ose mbajtja e sendeve të ndaluara në institucionin e ekzekutimit të vendimeve me burgim” parashikuar në nenet 283/1 dhe 324/a të Kodit Penal”, deklaroi policia.
