Yevgeny Frolov, portieri 32-vjeçar i Krylia Sovetov Në Premier Leaguen ruse, është gjobitur nga klubi i tij për shkak të një deklarate ku kritikonte presidentin e Rusisë, Vladimir Putin.
Deklarata e futbollistit është bërë ditën e diel gjatë një interviste me gazetarin Sergei Yegorov. Portieri akuzoi nëpërmjet një interviste të dhënë për gazetarin Sergei Yegorov
Në intervistë, Frolov tha, ndër të tjera, se Putin nuk ka marrë masa konkrete për të mbështetur kompanitë dhe popullsinë gjatë krizës aktuale.
“Ato çfarë thotë presidenti në TV janë premtime boshe. Nuk ka veprime reale. Kur flasim për biznesmenë të vërtetë, mund të mësoni se bankat nuk do të japin kurrë kredi me interesa të ulët dhe nuk do të ketë shtyrje të pagesave”.
“Ne jemi të detyruar të qëndrojmë në shtëpi dhe nuk marrim asnjë ndihmë nga shteti. Njerëzit këtu nuk kanë para, ata janë prej dy muajsh pa paga. Ky nuk është rasti në Evropë”.
Në lidhje me këto deklarata ka ardhur edhe reagimi i klubit rus. “Krylia Sovetov si shoqëri nuk ndan të njëjtin mendim me Frolov dhe portieri tani do të ndëshkohet “sipas politikës së klubit”.
