Adi Zhuka, një prej fotografëve më të njohur të qytetit të Elbasanit ka humbur jetën aksidentalisht.
Pasditen e djeshme, mësohet se ai është rrëzuar aksidentalisht nga një pemë në oborrin e shtëpisë së tij ku kishte hipur për të prerë degët e thata.
53 vjeçari ka humbur ekuilibrin, dhe për pasojë rrëzimi ka qenë fatal për të, pasi ka rënë nga një lartësi rreth 5 metra.
Pavarësisht se është transportuar me urgjencë në spitalin e Traumës, në kryeqytet, fotografi i njohur nuk i ka mbijetuar dëmtimeve të rënda të pësuara në kokë.
Zhuka ka ndërruar jetë rreth orës 01:15 të kësaj të marte.
