Një pacient nga Kruja ka ndërruar jetë për shkak të COVID-19 në spitalin Infektiv.
52-vjeçari me iniciale S. B. ka humbur jetën mëngjesin e sotëm për shkak të koronavirusit. Mësohet se ai ka qëndruar për 8 ditë në reanimacion i intubuar në spitalin infektiv.
Burime bëjnë me dije se viktima vuante dhe nga sëmundje të tjera shoqëruese.
Kjo është viktima e 30 në vendin tonë nga koronavirusi.
Autoritetet shëndetësore deri tani kanë konfirmuar 736 persona të infektuar me COVID-19, prej të cilëve 422 janë shëruar.
