Një ngjarje e rëndë tronditi pasditen e djeshme qytetin e Durrësit, ku u ekzekutuan me breshëri plumbash dy vëllezërit, Besmir dhe Viktor Haxhia.
Ndërkaq, roja i tregut të te makinave, ku ndodhi vrasja e dyfishtë ka treguar për Syri tv momentin si ndodhi ngjarja. Ai thote se janë zbrazur tre karikatore drejt makinës së dy vellezërve.
“Në momentin që ndodhi ngjarja unë isha këtu. Tre karikatorë u zbrazën. Unë pashë vetëm një makinë që po kalonte atje dhe dy veta i shkonin nga pas. Makina ikte ngadalë, ndërsa ata të dy shpejtonin që ti arrinin makinës. Nuk e di nëse makina priste ata, a ka ikur këtej makina nuk dihet, se nuk dukej mirë dhe kishte shumë pluhur”, thotë ai.
