Qytetarët italianë do të duhet të mësohen të bashkëjetojnë gjatë me maska dhe doreza.
Kryeministri Giuseppe Conte në një dalje për mediet bëri me dije se pas izolimit, vendi tashmë kalon në fazën 2, duke kërkuar përgjegjshmëri nga të gjithë dhe mbajtje sa më shumë e distancës.
Nga 4 maji në vendin fqinj nis të rihapen një pjesë e madhe e industrive. Po ashtu, do të lejohen edhe ceremonitë mortore por vetëm me 15 pjesëmarrës. Ende nuk do të lejohen meshat në kisha. Nga data 18 maj rinis hapja në detaje e subjekteve tregtare, ndërsa nga 1 qershori rinisin aktivitetet baret, restorantet dhe qendrat estetike.
Sa i përket rikthimit në shkolla, kreu i qeverisë bëri me dije se mësimi pritet të nisë në shtator.
