Kanë dalë të tjera detaje në dritë lidhur me aksidentin e një automjeti dhe një ambulance këtë pasdite në Durrës. Mësohet se nga aksidenti një person ka mbetur i plagosur.
Burime zyrtare nga policia saktësojnë se personi që u plagos ishte në automjetin që i preu rrugën ambulancës e cila po dërgonte një pacient drejt spitalit.
Njoftimi i policisë:
Durrës/Informacion paraprak
Më datë 26.04.2020, në lagjen nr.13, Durrës, një mjet tip “Benz” me drejtues shtetasin I.R., 36 vjeç, i cili ishte nisur për në spital është përplasur me një autoambulancë.
Si pasojë e përplasjes është lënduar pasagjerja e mjetit “Benz”, shtetësja E.R.,44 vjeçe e cila ndodhet nën kujdesin e mjekëve jashtë rrezikut për jetën.
Grupi hetimor vijon punën për zbardhjen e plotë të shkakut të aksidentit.
LEXO EDHE:
Ishte duke transportuar pacientin e sëmurë, aksidentohet ambulanca në Durrës
