Në gjithë globin është ende i hapur debati për numrin e testeve të COVID-19, nëse a duhet të rritet për të kufizuar përhapjen dhe dëmtimin e pandemisë.
Nëse i refgerohemi shifrave, Rusia është shteti që ka realizuar më shumë, me afërsisht 2.25 milionë teste, ndërsa pas saj renditet Gjermania ku deri më 22 Prill ishin kryer mbi 2.07 milion teste.
Kapaciteti i konsiderueshëm i testimit në Gjermani është përmendur si një arsye për nivelin e vdekshmërisë koronavirus relativisht të ulët në krahasim me vendet e tjera.
Në të dhënat e fundit në dispozicion, Italia dhe Spanja kanë kryer respektivisht 1.51 milion dhe 0.93 milion teste.
Në të gjithë Evropën, koronavirusi deri më tani ka qenë përgjegjës për 109.712 vdekje të konfirmuara, me 24.648 të vdekjeve në Itali.
Në portalin oline gjerman të “Statista”, Shqipëria nuk figuron, ndërsa vendi i fundit sipas listës për numrin e testimeve është Malta, e cilat gjithashtu ka edhe një popullsi më të vogël krahasuar me vendet e tjera.
