Në një komunikim telefonik për “News24”, drejtoresha e maternitetit “Koço Gliozheni”, Rubena Moisiu, e pyetur për vdekjen e nënës dhe foshnjes, tha se do të flasë pasi të dalë ekspertiza.
“Pasi të dalë edhe diagnoza e mjekut ligjor, jemi duke analizuar rastin dhe jam e zënë me këta njerëz që po merrem me ta dhe do analizojmë rastin nëse Urgjenca ka qenë e mbyllur dhe pse ka qenë e mbyllur”, tha Rubena Moisiu.
Ndërkohë dy oficerë të prokurorisë kanë mbërritur sot në maternitetin Kiço Gliozheni në Tiranë dhe kanë nisur hetimin për vdekjen e gruas 35 vjeçe dhe foshnjes së saj në muajin e nëntë të shtatzanisë.
Oficerët kanë kërkuar librin e mjekëve që duhej të ishin në turn dhe protokollin e ndjekur.
Kufoma e nënës është dërguar në morg ku do kryhet edhe këqyrja e trupit të saj.
