Një dokument i rrallë, i publikuar nga studiuesi Armand Plaka tregon se sa të gabuara ishin parashikimet e shërbimit sekret amerikan për rënien e regjimit komunist në Shqipëri.
“Ca gjëra do ishin bërë me kohë në këtë vend, sikur ky lajm të kishte rezultuar i vërtetë….! Me poshtë do të gjeni një faksimile te nje dokumenti të CIA-s (i deklasifikuar) i datës 3 nëntor 1975, sipas të cilit Enver Hoxha në atë kohe kërcënohej seriozisht nga kanceri, aq sa sipas raportuesve, ai mund të kishte në atë moment edhe vetëm tri javë jetë. Nga ana tjetër aty bëhet me dije edhe nisja e purges më të madhe që Hoxha do të realizonte në radhët e bashkëpunëtoreve të vet ne qeveri e parti. Vetë CIA shfaq rezerva ne lidhje me vërtetësine e lajmit, i cili sipas raportit vinte nëpërmjet Beogradit, por thekson gjithashtu se Hoxha tashme kishte një kohe te gjate qe po zhvillonte një lufte të gjatë me kancerin”, shkruan studiuesi Armand Plaka.
Për shkak të këtij gabimi shërbimi sekret amerikan i ndërpret lidhjet me UDB-në jugosllave për Shqipërinë dhe nuk i beson më spiunazhit me të cilin punoi për ca vite.
Në fakt Enver Hoxha jetoi edhe 10 vjet, por 7 vjet pas publikimit të këtij dokumenti nisi spastrimi më i fuqishëm brenda Partisë së Punës së Shqipërisë. Diktatori komunist, Enver Hoxha eleminoi kryeministrin Mehmet Shehu; Ministrin e Mbrojtjes, Kadri Hazbiu; Ministrin e Brendshëm, Feçor Shehu; etj.
