Në vijim të axhendës për riatdhesimin e shqiptareve të bllokuar jashtë vendit për shkak të masave kufizuese për koronavirusin, të hënën është radha e Austrisë.
Shtetasit shqiptarë që kërkojnë të riatdhesohen në Shqipëri nga Austria, kanë mundësi të udhëtojnë drejt Shqipërisë më 27 prill.
Ambasada e Shqipërisë në Pragë, Republikën Çeke ka publikuar orarin udhëtimit nga Vjena për në Tiranë: 12:30-14:00.
Sipas masave të marra, të gjithë qytetarët që kërkojnë të vijnë në Shqipëri janë të detyruar të qëndrojnë 14 në karantinë në një hotel, për të parandaluar përhapjen e koronavirusit në vendin tonë.
