Vaksina e parë e koronavirusit do të jetë gati në më pak se pesë muaj, ka deklaruar një zyrtar kinez. Drejtori gjeneral i Qendrës për Parandalimin dhe Kontrollin e Sëmundjeve, mjeku Gao Fu tha se ekspertët kinezë mund të kenë një kandidat të suksesshëm vaksinimi për sëmundjen vdekjeprurëse deri në shtator.
Por kjo vaksinë do të përdoret vetëm për situatat urgjente, të cilat mund të jenë vala të reja të shpërthimit të virusit.
Duke folur për CGTN të enjten, Dr Gao tha: “Për të zhvilluar një vaksinë ose ilaç të caktuar, duhet gjithmonë kohë. Ndoshta në shtator, ne do të kemi një vaksinë që do të përdoret për urgjenca.”
Sa i përket vaksinës për njerëzit e shëndetshëm, mjeku tha se mund të dalë në fillim të vitit të ardhshëm.
Kujtojmë se edhe ekipi i Universitetit të Oksfordit po punon fort për të sjellë 1 milionë doza vaksinimi deri në shtator.
