Sezoni i futbollit në Korenë e Jugut do të fillojë në 8 maj, pas më shumë se dy muajsh vonese për shkak të pandemisë së koronavirusit.
Liga e Futbollit Korean njoftoi ditën e sotme se K-League, dhe kategoria e dytë K League 2, do të fillojnë sezonin e tyre të ri në 8 maj, pa praninë e tifozëve.
Sezoni futbollistik në Kore, supozohej të niste më 29 shkurt, por pas shpërthimit të pandemisë së koronavirusit, gjithçka u shty.
Vendimi për fillimin e futbollit, vjen një ditë pasi autoritetet shëndetësore të Koresë së Jugut, paralajmëruan se ata po përgatiteshin për një valë të dytë të mundshme të pandemisë COVID-19.
Në Korenë e Jugut numërohen 10,708 të prekur nga coronavirusi, ndërsa 240 persona kanë humbur jetën.
