Deputeti Lefter Maliqi shprehet kundra zgjatjes së fatkeqësive natyrore dhe kundra kufizimit të lëvizjes së njerëzve dhe makinave.
Në një intervistë për emisionin “7pa5”, deputeti tha se nuk i duket të nevojshme këto masa të qeverisë dhe sipas tij, kryeministri Rama po e përdor këtë kohë për interesat elektorale dhe personale.
Ndër të tjera Maliqi tha se është tepër i zhgënjyer me kreun e qeverisë dhe se kjo qeveri po bën pazare dhe në kohë kolere.
“Jam kundra zgjatjes së fatkeqësisë natyrore, jam dhe kundra kufizimeve të mëdhaja që ka bërë kjo qeveri. Të gjithë këtë situatë kryeministri Edi Rama po e përdor për interest e veta elektorale, si dhe për interest persona. Qeveria po drejton jo në terren por nga shtëpitë e tyre, si kryeministri nga Surreli. Unë jam pro mbajtjes së distancës apo zbatimit të rregullave në punë, por jam kundra kufizimit të lirisë së njerëzve dhe makinave. Jam kundra këtij terrori dhe paniku që po shkaktohet.” tha deputeti.
Për dekretin e Presidentit Ilir Meta për ndryshimet në Kodin Penal, Maliqi u shpreh: Dje pashë një kundërvënje ndaj presidentit në media dhe rrjetet sociale por në njohjen time politike por edhe personalisht, dhe për mua presidenti po vepron në përputhje me situatën, pasi kjo situatë kërkon bashkëpunim dhe jo përplasje politike. Bëri detyrën e duhur si sovran i popullit dhe e kemi parë tepër aktiv më aktiv se qeveria, pavarësisht kompetencave që ka presidenti. Paqja duhet të jetë për të gjitha palët por ne duhet të jemi kritik ndaj qeverisë për masat që po merr, në rritjen e numrit të testimeve apo ne ndryshimin e buxhetit pasi konçesionet vetëm janë pezulluar dhe jo anulluar.
Për ndihmat që po shpërndahen nga qeveria deputeti deklaroi se po bëhen seleksionime dhe se qytetarët duhen të ndihmohen me vlera monetare.
“Ndihma që po ndahet po bëhet me seleksionime. Ndihma për njerëzit në nevojë nuk është me pako, por duhet të bëhet në vlerë monetare ashtu siç ka bërë Serbia dhe shumë shtete të tjera. Njerëzit në radhë të parë duan ndihma në vlerë monetare dhe në radhë të dytë duhet të shkojnë në punë jo të kufizohen, por me ruajtjen e distancës.
Me kryeministri , jam tepër i zhgënjyer si unë dhe shumë socialist të tjerë, sepse mori tepsinë dhe timonin dhe po e përdor këtë për të matur dhe testuar popullin e vet, duke thënë që njëher do dalin gratë një herë pleqte, pastaj burrat në fund. Edi Rama po teston nervin e shqiptarëve njesoj si etërit e tij që për 40 vjet e mbajtën të nënshtruar. Tanket nuk duhet të dalin se s’ka me kë lufton. Harxhon me mijëra litra naftë me këto tanqe, me këto blinda e mjete të tjera ndërkohë që me këto lekë mund të ndihmojë familjet në nevojë.
Kjo qeveri po bën Pazar edhe në kohë kolere, po bën tendera sekretet, po kështu edhe me riatdhesimin ky po I strehojnë në hotelet e oligarkëve të tyre. Familjarët shumë mirë mund të karantinohen edhe në banesat e tyre” u shpreh Maliqi.
