Ditët e fundit, Kruja ishte kthyer në një vatër të rrezikshme infeksioni, duke bërë që të renditet e treta për nga numri i të infektuarëve në vendin tonë pas Tiranës dhe Shkodrës.
Por lajme të mira na vijnë nga ky qytet. Në 24 orët e fundit autoritete e shëndetësisë nuk kanë zbuluar asnjë rast pozitiv që vjen nga Kruja. Ndërkohë që në 24 orëshin e mëparshëm u zbuluan 18 të infektuar me COVID-19.
Aktualisht në Krujë numri i personave të prekur në total është 65. Kujtojmë se vatra infeksioni në këtë qytet u bënë disa fasoneri, të cilat tashmë janë gjobitur dhe nga ISHSH për mungesë të kushteve të kërkuara nga autoritetet e Ministrisë së Shëndetësisë.
Nga 15 rastet e reja të zbuluara në 24 orët e fundit, 9 raste janë në Tiranë, të gjitha kontakte të rasteve të mëparshme, 2 raste janë në Mirditë, 1 në Shkodër, 1 në Kukës, 1 në Has dhe 1 në Kurbin. Në total numri i rasteve të konfirmuara me COVID-19 në vbendin tonë ka arritur në 678.
