Alessandro Del Piero ka njoftuar që së bashku me shokët e skuadrës së Italisë kampione bote në vitin 2006, kanë grumbulluar fonde dhe kanë blerë katër autoambulanca. Mjetet i janë dhuruar Kryqit të Kuq për të ndihmuar në trajtimin e njerëzve të prekur nga coronavirusi.
“Ata janë ultramoderne, me sisteme të reja bio-kontrollimi dhe mund të përdoren edhe në fund të kësaj pandemie”. – shkroi Del Piero në Instagram.
“Është një shenje e fatit që ne mblodhëm mjaftueshëm para për katër autoambulanca, po aq sa numri i kupave të botës që ka fituar Italia. Faleminderit edhe njëherë të gjithëve, ne treguam rëndësinë e të qenit një ekip i madh!”
Azzurri ishin mbledhur për të mbledhur fonde duke përdorur mediat sociale, të cilat përfshinin dhurimin e fanellave për ankand.
