Gazetari Saimir Kodra ka deklaruar mbrëmjen e djeshme se e ka kaluar sëmundjen e koronavirusit që në muajin janar.
Kodra tha se këtë e ka zbuluar përmes kryerjes së analizës së anti-trupave.
“Për t’ju zbuluar një sekret, në analizat që bëra të anti-korpeve, jam një person që e kam kaluar Covid-in. Pra e gjithë kjo situatë karantine që rrijmë mbyllur është për të transmetuar të gjithën. Që në janar e kam kaluar”, është shprehur gazetari Saimir Kodra në emisionin që ai drejton.
Por lidhur me pretendimin e Kodrës ka reaguar një prej specialistëve të ISHP-së, Dritan Ulqinaku, i cili i drejtohet me një pyetje kolegëve të tij.
“Po lexoj një nga gazetat e përditshme që citon moderatorin e emisionit STOP, Z. Saimir Kodra që deklaron se e ka kaluar COVID 19 në janar të 2020, bazuar nga titri i antikorpeve. Do të doja të dija se kush doktor ja ka thënë muajin Janar. Pyetje më tepër për kolegët e mi”, shkruan Ulqinaku.
