30 milionë dollarë të tjera i janë dhuruar Organizatës Botërore Shëndetësore nga Kina për të mbështetur bashkëpunimin ndërkombëtar në luftën kundër COVID-19.
Lajmi është dhënë nga zëdhënësi i ministrisë së Jashtme kineze, Geng Shuang. Ky dhurim pason dhurimin e parë të bërë nga Pekin i cili ishte 20 milionë dollarë.
Kujtojmë se pak ditë më parë Presidenti amerikan Donald Trump urdhëroi administratën e tij që të ndalojë fondet për Organizatën Botërore të Shëndetësisë. Ai tha se “OBSH ka dështuar në kryerjen e detyrës së saj themelore”, në përgjigjen ndaj shpërthimit të Covid-19.
Deri tani të infektuarit nga koronavirusi në botë janë 2,637,314, nga të cilët 183,559 kanë humbur jetën.
