Ish-mbrojtësi i Manchester United dhe Brazilit, Rafael, i ka bërë thirrje Neymar që të përmirësojë mënyrën se si ai sillet jashtë fushave të lojës.
Rafael ka luajtur përkrah Neymarit gjatë Lojërave Olimpike 2012 në Londër.
“Ne na duhet Neymari, kjo është e sigurt. Ai na duhet shumë. Neymar duhet të përmirësojë shumë gjëra rreth vetes jashtë fushës së lojës. Kjo është e rëndësishme për një futbollist”.
“Ai duhet të përmirësohet shumë jashtë fushës së lojës në mënyrë që të japë më të mirën nga vetja. Unë shpresoj që ai do ta bëjë këtë, pasi në këtë mënyrë do të kishim gjasa për të fituar më shumë”.
“Neymari nuk është një lider. Nëse është i fokusuar dhe i koncentruar, atëherë ai është lojtari më i mirë në botë”, ka thënë Rafael për ESPN.
