Mediat fqinje shkruajnë se Policia Financiare ka sekuestruar në Portin e Triestes 13, 423 kg marijuanë me vlerë 150 mijë euro, e fshehur në një makinë me targa shqiptare që udhëtonte nga Greqia në Itali.
Në pranga ka përfunduar drejtuesi i automjetit, shqiptari K.L 26-vjeç, me akuzën e trafikut ndërkombëtar të lëndës narkotike. Në pikën e kontrollit të dokumenteve në pikën kufitare të Portit të Triestes, i riu ka thënë se po udhëtonte në Itali për kurim mjekësor.
Pavarësisht kësaj, ai nuk ka qenë bindës në deklaratën e dhënë dhe policia vendosi që t’i bëjë një kontroll më të detajuar automjetit. Droga ishte fshehur në pjesën e pasme të sediljes, e bllokuar me një komandë elektrike dhe ku u gjetën 13, 423 kg marijuanë, e ndarë në disa pako dhe mbështjellë me natriban.
