Një 46-vjeçar nga Mirdita ka thyer masën e sigurisë “Arrest në shtëpi” dhe lëvizte në qytet, madje ka kundërshtuar dhe kanosur me armë të ftohtë punonjësit e Policisë.
Bëhet fjalë për shtetasin L. V., për të cilin Gjykata e Rrethit Gjyqësor Lezhë kishte caktuar masën e sigurisë “Arrest në shtëpi”, për kundërshtim të punonjësit të rendit publik.
“Ky shtetas, në momentin që punonjësit e Policisë i kanë kërkuar dokumentin e identifikimit, ka kundërshtuar urdhrin e tyre dhe i ka kërcënuar me një mjet prerës (thikë) që të mos i afroheshin dhe ka tentuar të largohej, por është neutralizuar dhe prangosur nga shërbimet e Policisë” thuhet në njoftimin e policisë.
Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprat penale në ngarkim të tij “Largimi i të burgosurit nga vendi i qëndrimit” dhe “Kanosja për shkak të detyrës”.
