Bota po i drejtohet për ndihmë Koresë së Jugut për të përballuar luftën ndaj koronavirusit.
Koreja e Jugut rezulton të jetë eksportuesja më e madhe e testeve të koronavirusit të ri, duke eksportuar në të paktën 106 shtete pajisjet e domosdoshme mjekësore dhe për këtë bota po i drejtohet këtij vendi për zhvilluar testet ndaj Covid-19.
Të dhënat tregojnë se Brazili, vendi që ka më shumë raste të konfirmuara me COVID-19 në Amerikën e Jugut është edhe importuesi më i madh, duke blerë teste me vlerë prej 19,2 milionë dollarë.
Pas Brazilit vjen SHBA-ja, që është edhe vendi më i goditur nga pandemia. SHBA ka importuar me importe në vlerë prej 15,5 milionë dollarë dhe Italia me 14,8 milionë dollarë.
Testi i koronavirusit i prodhuar nga prodhuesja e madhe e Koresë së Jugut ka fituar miratimin urgjent nga Administrata e Ushqimit dhe e Barnave të SHBA-së (FDA).
Koreja e Jugut njoftoi sot se do të investojë mbi 500 milionë dollarë për të mbështetur përpjekjet për zhvillimin e vaksinave.
Ajo mendohet të investojë gjatë 10 viteve të ardhshme për të zhvilluar vaksina kundër sëmundjeve shumë ngjitëse.
