Jasir Asani u huazua nga Partizani gjatë merkatos së janarit te suedezët e AIK, ndërsa tashmë sipas medieve suedeze, anësori do të kthehet përsëri te “Të Kuqtë”.
AIK ka vendosur të mos e aktivizojë klauzolën për blerjen e 24-vjeçarit dhe “SportExpressens” në Suedi shpjegon arsyet. AIK e kishte afruar në skuadër Jasir Asanin, për të plotësuar boshllëkun e lënë prej Nabil Bahoui, i cili ishte dëmtuar rëndë në gju dhe tani me shtyrjen e kampionatit ai mund të rikuperohet dhe të jetë gati.
Kështu tek AIK do të kursejnë paratë që do të shpenzonin për Asanin, i cili ishte i pafat prej pandemisë dhe nuk mundi dot të tregonte vlerat e tij në kampionatin suedez.
