Më datë 24 prill, për gjithë besimtarët myslimanë do të nisë muaji i shenjtë i Ramazanit. Ndryshe nga vitet e tjera, këtë vit besimtarët do të jenë të kufizuar për të kryer ritualet e tyre.
Grumbullimi i besimtarëve në mbrëmje, për thyerjen e agjërimit është i ndaluar, pasi përbën rrezik për përhapjen e virusit. Edhe vendi i shenjtë për besimtarët myslimanë, Meka, në Arabinë Saudite është mbyllur këtë periudhë, për të shmangur grumbullimet masive të njerëzve.
Sikurse gjatë ditëve të Pashkës kur kishat qëndruan të mbyllura, për tubime do të qëndrojnë gjatë Ramazanit edhe xhamitë.
Në një kohë kur shumë shtete evropiane kanë filluar lehtësimin e masave të izolimit dhe madje në disa prej tyre ka filluar procesi mësimor OBSH iu ka bërë thirrje shteteve që të gjitha masat lehtësuese të merren gradualisht duke mos rrezikuar një rikthim të virusit. Dhënia fund e tij para kohe mund të shkaktojë rikthimin e valës së infektimeve, u shpreh drejtori i OBSH-së për Paqësorin Perëndimor.
“Beteja kundër COVID-19 ,do të jetë një betejë tejet e gjatë dhe është e rëndësishme për të gjithë ne të mendojmë një mënyrë të re jetese. Për individët, siç e kam përmendur më parë, ata duhet ta kishin bërë atë pjesë të jetës së tyre, në praktikën e tyre. Për sektorin privat në u kërkojmë atyre të mendojnë sesi ata mund të ndihmojnë në minimizim e riskut”, tha Takeshi Kasai.
