Policia e Durrësit ka marrë në pyetje pilotin italian 71 –vjeçar i cila ka bërë një ulje të detyruar të avionit të vogël në Ishëm.
Ai ka dëshmuar para policisë së ka qenë i detyruar të ulte avionin, pasi kishte pësuar një avari. Ulja, sipas tij është bërë në afërsi të zonës së njohur si Shën Pjetri.
Aeroplani është ulur në fshatin Gotull, në kufirin mes Krujës dhe Laçit.
“Unë isha duke bërë xhiro mbi det. Erdha për turizëm”¬ ka thënë piloti, në kohën që sipas tij ka konstatuar edhe defektin që e ka detyruar të bëjë ulje urgjente. Denoncimin për rrëzimin e një avioni me drogë e bëri nga salla e Kuvendit deputeti i PD -së, Flamur Noka.
Vetëm pak çaste më pas, policia konfirmoi uljen e një avioni në Ishëm, por duke përjashtuar faktin se ai ishte i mbushur me hashash. “Mes Ishmit dhe Lacit konfirmohet rënia e një avioni të vogël. Sipas njoftimit në sallën operative, piloti është italian dhe avioni është gjetur bosh. Po verifikohet nëse ka qenë bosh apo e kanë boshatisur para se të mbërrinte policia”, thanë burimet policore.
