Këngëtarja Anxhelina Hadërgjonaj, vajza e Albërije Hadërgjonaj, e cila prej kohësh jeton në Shtetet e Bashkuara, është kthyer në Shqipëri. Ajo është karantinuar në Tiranë dhe në një intervistë për “Prive” tregon pse e pa të arsyeshme të heqë dorë nga Los Angeles.
Anxhelina ka treguar se e kishte të nevojshme që këtë situatë të vështirë të ishte pranë familjes së saj, pasi kështu ndihet më e qetë shpirtërisht dhe më e sigurt.
Ajo tregon se nuk ka zbuluar ndonjë hobby gjatë karantinës tek vetja e saj, por i është përkushtuar gatimit të cilin e ka me pasion.
Gjithashtu, këngëtarja shton se në Los Angeles ka punuar me emra të suksesshëm të muzikës dhe shumë shpejt do të vijë me projekte të reja, të cilat fansat po i presin prej kohësh.
