Autoritetet sportive në Spanjë ka rënë dakord për një plan veprimi ndërmjet La Liga-s dhe RFEF për rifillimin e seancave stërvitore dhe gjithashtu edhe për një fond financiar.
Nga ky vendim, ekipeve të La Ligës u është komunikuar se do të jenë në gjendje të kthehen në stërvitje me kusht që të ndjekin protokollet e përcaktuara nga qeveria spanjolle.
Vendimi u mor pas një takimi ditën e djeshme midis Këshillit Kombëtar të Sporteve të Spanjës (CSD), Federatës Mbretërore të Futbollit Spanjoll (RFEF) dhe La Ligës, ndërsa lajmi është konfirmuar ditën e sotme.
“Synimi është të lejojmë lojtarët të rifillojnë stërvitjen, në varësi të situatës të pandemisë së koronavirusit dhe vendimeve të miratuara nga Ministria e Shëndetësisë. Seancat stërvitore do të mbahen nën protokolle të rrepta dhe vetëm për aq kohë sa e lejojnë rrethanat”. – tha CSD në një deklaratë.
Gjithashtu në këtë mbledhje, Luis Rubiales dhe Javier Tebas, përkatësisht presidentë të RFEF dhe La Ligës, nënshkruan një dokument për të krijuar një fond emergjence prej 10 milion eurosh për të ndihmuar atletët në nevojë.
Takimi midis Rubiales, Tebas dhe presidentit të CSD, Irene Lozano, i cili zgjati më shumë se tetë orë në “Palacio de Viana’, gjithashtu pa organet drejtuese të futbollit të Spanjës të angazhohen për një kod të ri të sjelljes.
Marrëveshja, e cila do të “shërbejë si referencë për sportet e tjera profesionale”, ka për qëllim forcimin e një marrëdhënieje shpesh të tensionuar mes La Liga dhe RFEF. “Kodi i ri i sjelljes inkurajon “dialogun e ndershëm dhe të sinqertë dhe lehtëson marrëdhëniet e mira midis institucioneve të ndryshme të futbollit”,- bëri të ditur CSD.
