Në emisionin “Jo vetëm Modë”, në Tv Klan ishte në një lidhje në Skype moderatori Alban Musa. Ai foli për arsyen që e çoi të hiqte dorë nga programi që drejtonte, duke u shprehur se mërzitet pak shpejt me gjërat, sidomos kur ato nuk bëhen sipas mënyrës së tij. Sipas tij, kur një projekt i besohet atij në fillim, duhet ti besojnë deri në fund.
Më tej, Musa shprehet se ka një parim në jetë dhe ai është që karriera ndërtohet duke thënë jo dhe jo vetëm duke thënë po.
Alban Musa: Është pak edhe situata e tillë, e cila të ndikon shumë, se kur je i stresuar sepse kjo është luftë për mbijetesë, se po i ndodh të gjithë botës dhe të gjithë jemi të shokuar dhe kur shtohen edhe halle të tjera që ti mund ti evitosh, sigurisht që truri yt aq mban. Unë e thashë dhe në atë status, që u bë më pas edhe lajm, për mua dinjiteti është shumë i rëndësishëm në punë, se sa vetë puna. Për mua dinjiteti, jo si personazh televiziv se nuk dua që ta kuptojnë keq teleshikuesit këtë gjë, si punëtor i thjeshtë, për mua duhet të ketë një dinjitet në punë dhe të mos pranoj gjithçka çfarë i thuhet. Unë kam një parim në jetë, që karriera ndërtohet duke thënë jo, jo vetëm duke thënë po. Unë e kisha lajmëruar largimin tim në fund të sezonit shumë kohë më përpara, se unë atij programi nuk po arrija ti jepja ndonjë gjë më shumë se sa i kisha dhënë. Është zgjedhja ime, nuk do rri gjatë jashtë televizionit, kam vendosur të marrë një pauzë të shkurtër, madje më ka bërë mirë, jam i sigurt që më ka bërë mirë.
Orinda Huta: Megjithatë lëvizjet i ke patur të shpeshta, pse ka ndodhur një gjë e tillë?
Alban Musa: Mërzitem pak shpejt me gjërat, sidomos me gjërat që nuk bëhen sipas mënyrës time. Domethënë unë e dua që kur një projekt më jepet mua, i jepet Albanit dhe ata të cilët ja japin Albanit duhet ti besojnë deri në fund. Ka patur raste Orinda kur kanë thënë në media, jo tek kjo e fundit që isha por më përpara, më është kërkuar të dobësohem. Ata duan që në të shkojmë në formatin që ata imagjinojnë, po unë nuk jam ashtu, jam ky që jam. Ju kërkoj ndjesë. Ja vlen të dobësohesh për veten tënde, ja vlen të jesh i dobët nëse ti fillon dhe nuk ndihesh mirë me veten tënde, jo sepse dikush ta kërkon.
