Juventus ka arritur një marrëveshje me lojtarin e Fiorentinës, Federico Chiesa.
Sipas “La Stampa”, bardhezinjtë kanë ofruar 60 milionë euro për 22-vjeçarin ndërsa kontrata do të jetë 5 vjeçare nga ku futbollisti do të përfitojë 5 milionë euro në sezon.
“Zonja e Vjetër” ka mposhtur në këtë garë Interin rival që e kërkonte me ngulm. Më tej mediat italiane shkruajnë se ishte i ati i cili ndërmjetësoi dhe arriti marrëveshjen e transferimit po ashtu edhe agjenti i Chiesas.
Marrëveshja akoma nuk është firmosur, me Fiorentinën që pret një ofertë të majme nga Interi apo Man.United por kjo ka pak gjasa të ndodhë dhe duke parë dëshirën e lojtarit, shumë shpejt ai pritet të jetë pjesë e kontigjentit të kampionëve të Serie A.
