COVID-19 i ka marrë jetën një 5-vjeçareje në Michigan
Mediat vendase raportojnë se vogëlushja, para një muaji ishte ankuar tek prindërit për dhimbje koke dhe pasi qëndroi për dy javë e lidhur me një ventilator në spital, vogëlushja Skylar Herbert ndërroi jetë.
Ajo rezultoi pozitive për koronavirusin në mars dhe më pas iu zhvillua edhe një lloj i rrallë meningjiti dhe në tru pësoi ënjtje.
Nëna e vajzës tha për mediat se në një moment Skylar nuk pati më përmirësime të shëndetit dhe mjekët i thanë që me shumë mundësi truri i saj kishte ndaluar së funksionuari përfundimisht.
Prindërit e saj janë shprehur se nuk e dinë se nga e mori vajza virusin dhe se ajo nuk kishte pasur probleme të tjera shëndetësore.
