Italia duket se po e rimerr veten nga koronavirusi dhe këtë e tregon edhe një video e realizuar në spitalin e Niguardia-s, një zonë pranë Milanos.
Ky spital ka mbyllur një nga 5 sallat e terapisë intensive për shkak të zvogëlimit të pacientëve me koronavirus.
Shumë media në Itali e kanë quajtur, një mrekulli këtë lajm.
27 shtretër që deri para pak ditësh ishin plot me pacientë të infektuar me COVID-19, tani janë bosh.
Gëzimin mjekët dhe infermierët e kanë shprehur në një video në Facebook, siç edhe mund ta shihni më poshtë.
Gjatë 24 orëve të fundit, në Itali kanë humbur jetën 433 persona nga koronavirusi, 49 jetë të humbura më pak se një ditë më parë.
Shifra optimiste vijnë edhe nga të shëruarit ku 2,128 persona e kanë hedhur pas koronavirusin, duke e çuar numrin total në 47.055.
