Mbi 161 mijë njerëz kanë vdekur si pasojë e coronavirusit, ndërsa 2.34 milionë janë të infektuar, por mbi 600 mijë ka arritur numri i të shëruarve në nivel global.
Sipas të dhënave të përpiluara nga Universiteti Johns Hopkins me qendër në Shtetet e Bashkuara, në të gjithë globin janë 602,793 persona që u rikuperuan nga kjo sëmundje.
Deri më tani, më së shumti të shëruar ka në Gjermani, ku raportohet se 88 mijë pacientë janë rikuperuar.
Kina ndjek Gjermaninë me 77,681, në Spanjë që është një prej shteteve më të goditur nga koronavirusi, numri i të shëruarve është i kënaqshëm, pasi raportohet se 77,357 të prekur janë shëruar.
Shtetet e Bashkuara që aktualisht kryesojnë si nga vdekjet globale, ashtu edhe me rastet, me 39,090 viktima dhe 735,287 të sëmurë – kanë rikuperuar 66,819 të prekur.
Në të njëjtën kohë, numri i të shëruarve në Iran ka arritur në 55,987, ndërsa janë testuar për koronavirus më se 330 mijë banorë.
