Milani është pranë transferimit të mesfushorit të Salzburg, Dominik Szaboszlai, duke mundur kështu konkurrencën e Lazios dhee Interit.
Lajmin e ka konfirmuar trajneri i Hungarisë, Marco Rossi, i cili ka deklaruar këtë fundjavë se agjenti i lojtarit është në “negociata të avancuara” me kuqëzinjtë.
“Ka shumë gjasa që Dominik të nënshkruajë për Milanin duke parë stadin e negociatave, por nuk duhet përjashtuar Lazio dhe Interi”. – ka thënë Rossi.
Salsburgu e vlerëson 19-vjeçarin me 30 milionë euro, shumë kjo që Milani me shumë gjasa do ta respektojë. Këtë sezon futbollisti hungarez, ka bërë 29 paraqitje me Salsburgun duke shënuar 4 gola si dhe ka asistuar shokët e skuadrës në 7 raste.
