Kryedemokrati Lulzim Basha, sot për ditën e shenjtë të Pashkëve ka zgjedhur që urimin ta shoqërojë me një foto të veçantë të përgatitur nga vajzat e tij ku shfaqen disa lepurusha të Pashkëve.
Në një postim në rrjetet sociale, Basha shkruan se urimet dhe lutjet e para, janë për të gjithë anëtarët e familjes tonë të madhe që përballen me virusin dhe pasojat e tij.
Postimi i plotë:
Me urimin tradicional “Krishti u ngjall” dhe këtë foto të lepurushëve të Pashkëve përgatitur nga vajzat e mia, ju urojmë familiarisht të gjithë besimtarëve ortodoksë, nga mot Gëzuar!
Sot, urimet dhe lutjet tona të para, janë për të gjithë anëtarët e familjes tonë të madhe që përballen me virusin dhe pasojat e tij, për mjekët dhe infermierët tanë kurajozë e të palodhshëm, për të gjithë ata që shërbejnë me sakrifica të mëdha për të na mbrojtur dhe ndihmuar, për të gjithë shqiptarët në nevojë dhe shtrëngesë, për shërbëtorët e Zotit që me lutjet e tyre sjellin paqe e shpresë në shpirtin e çdokujt.
Zoti ju bekoftë ju dhe familjet e të dashurit tuaj! Zoti e bekoftë Shqipërinë!
Ndërsa, kryeministri Edi Rama ka zgjedhur të urojë sërish me një video në rrjetet sociale ku shkruan: “MIRËMËNGJES😊 me një dhuratë të bukur nga Opera Kombëtare e Parisit për të gjithë ju dhe me një urim për besimtarët ortodoksë në këtë të dielë paqeje dhe reflektimi🙏”.
