Kryeministri Edi Rama tregoi sot se cila do të jetë strategjia për hapjen e vendit. Sipas Ramës janë dy pika kryesore, e para hapja graduale dhe e dyta distancimi social.
“1-Hapja graduale ka riskun e saj, mund të ketë sërish rritje të rasteve të të infektuarve. Virusin nuk e zhduk asnjë magji, e asgjëson vaksina, por varet nga ne. Nëse mbrohemi dhe ruhemi kur dalim nga shtëpia, rastet do ulen ndjeshëm.
2-Distancim social i gjithësecilit. Nuk është çështje gjobe apo kontrolli nga policia, por duhet të ruheni për prindërit dhe të moshuarit. Presidenti i SHBA-së tha se kemi mësuar shumë gjatë këtyre javëve. E thotë këtë presidenti i një shteti, që ka pas vetes gjithçka.
Do lehtësojmë rrugën e lëvizjes, të riatdhesimit e me radhë, por dijeni që jemi më të ekspozuarit për rritjen e numri të infektimeve. Prandaj nuk duhen bërë numra, se mjafton njëri prej jush të mos ketë kujdes dhe bëhet hataja”, – theksoi Rama.
