Mbrëmjen e djeshme kryeministri Edi Rama ishte i ftuar në emision “Opinion” dhe një prej pyetjeve që iu drejtua ishte ajo për antenat 5G se a e dëmtojnë imunitetin e njerëzve.
Kreu i qeverisë iu përgjigj me ironi se këto thashetheme dalin nga ata që marrin provimin e maturës me kopje dhe shkojnë në universitet.
Kjo përgjigje duket se nuk i ka pëlqyer aspak botuesit Alfred Cako, i cili njihet për konspiracionet e tij.
Përmes një postimi në rrjetet sociale, Cako shprehet se kryeministri qëlloi mbrapa shpine nga frengjia e Sorosit gjithë konspiracionistët dhe se ai nuk tregoi të vërtetën në lidhje me pandeminë COVID-19.
Më tej ai tregon se i ka bërë kërkesë drejtuesit të emisionit Opinion, Blendi Fevziut që ta ftojë në emision ballë për ballë me kryeministrin dhe jo të qëllojë mbas shpine në lidhje me temat COVID-19, gjeopolitika rajonale dhe botërore, Iluminatin, Masonerin, dy Amerikat në luftë me njëra-tjetrën dhe për të ardhmen e botës.
Postimi i plotë:
Dje kryeministri Edi Rama qelloi mbrapa shpine nga frengjia e Sorosit gjithe konspiracionistet, mbi ato ceshtje qe po ndodhin sot ne Shqiperi edhe ne bote, duke i ofenduar si te pashkolle dhe injorante dhe se nuk ka Iluminat, nuk ka masoneri, nuk ka perfshirje te Bill Gates ne kete ceshtje, duke mos treguar te verteten mbi CoVid 19, duke i perzjere gjerat e duke i bere lemsh.
Meqenese shtepia ime botuese Helga’s Secrets eshte promovuesja kryesore e ketyre pikpamjeve ne shqip, i bera kerkese drejtuesit te emisiinit Opinion, z. Blendi Fevziu qe ta ftoje ne nje emision me mua Kryeministrin Rama e ti diskutoje balle perballe me mua keto ceshtje, jo te qelloje mbas shpine ne lidhje me tema si CoVid 19, gjeopolitiken rajonale e boterore, mbi Iluminatin, Masonerine, dy Amerikat ne lufte me njera tjetren, e ardhmja e afert e botes, etj.
Burreria kerkon perballje dhe KM z. Rama duhet ta pranoje kete sfide pozitive qe do kete interesin me te larte te publikut shqiptar. Perballe meje Rama do te kete rastin te kuptoje se cdo te thote gazetar.
